"A historia por debaixo da novela", Antonio Blanco Rodríguez e Juan Antonio Seara Ferro; "Unha novela romántica con moito humor", Zaida Vila Carneiro; "Un médico con alma literaria", Antonio Blanco e Juan Seara

Allariz, finais do século XIV. Na vila está a piques de celebrarse unha competición cabaleiresca entre os máis lanzais nobres. Ao rematar anunciarase o próximo matrimonio entre Odisinda, a doncela máis belida e rica, e o marqués de Santa Olalla. Mais nada sairá como se pensa. A sombra o gran castelo e do seu tiránico señor, o conde don Ordoño, marcará a vida da veciñanza de Allariz para sempre.
El castillo de Allariz, de Vicente María Feijoo, permaneceu clandestino durante máis de século e medio. A súa existencia correu unha sorte parella á do castelo de Allariz. Falábase do libro pero case ninguén puidera contemplalo. Esta edición ve a luz grazas aos historiadores de Allariz Antonio Blanco e Juan Seara, que lograron atopar o manuscrito no Museo de Pontevedra e transcribiron logo o texto.